經過蒲台、長洲，終於嚟到同領航者合作的最後一站 -- 赤柱啦..

因為打醮及其他原因，我地好多正選缺陣，不過有新秀阿力，仲有久休復出的帶興，陣容尚算完整...

天氣講真，一般啦...開場時仲幾凍tim..

好講番比賽...

第一場對陣龍之友、漁灣之友、霸士龍及李錦記....都幾關鍵的一戰，因為龍之友係我地上第一組的強勁對手...一起步尚算不錯...感覺隻船大概三四槳完全拉起.....但突然間，由船中間連環打橈，仲係左右一齊打..起碼停左兩三橈..俾人超左半隻艇以上..早後急起直追...但最終輸一個龍頭俾龍之友..唉...第二..

賽後檢討...應該係由起步轉大拉幅度太大，部份隊友轉唔切....輸自己，所以無話可說...唯有再加緊訓練...

經過一番檢討，柏誠及阿威等作出修正...我地迎接第二戰...對手有永好、新城、勝利之友、赤之友，係發揮正常下，順利勝出...

第三戰面對兄誼、南丫合心、戰毅、華興龍.....眾隊員都集中精神....由起步到終點...發揮理想，勝出這場重要之戰..稍有差池...一組無望...

第四組對手極強...南鷹、同慶、有主場之利既赤漁，仲有蒲台之友..得了第三....尚可...

經過四輪後，一組位置競爭非常激烈...除了同慶、南鷹、頂得住以較高分數入圍外...其餘有7隊同分...抽籤決定三個席位....結果我地同飛虎、飛天豬幸運抽中...華哥好野..

決賽啦...老實講....對手真係好強...我地起步稍有失利..跟住狂追...發揮好好啦...一路同飛虎咬實..但最後10米...敗了..第5名...差點兒入唔到龍王盃...不過眾隊員都盡力了....

好開心的比賽...我地船上的氣氛好好呀...

大家記得我地口號嗎??

樹喜....... 

蒲台島的賽事，被譽為全港最高水準的私家龍賽事，除了強隊雲集之外，眾多高手都會通過各種途徑，加入到各隊之中，使到水平非常之高。

今年踏入長征龍出外作賽的第二個年頭，第一次比賽就係蒲台島的賽事，真係又緊張，又興奮。

蒲台島位香港的東南方，由長洲坐船去需要2個小時，我們要係六點幾出發，但這無阻眾隊員的熱情，全部準時集合，Good...

天公做美，天氣不錯，有少少凍，經過熱身後， 我們就要出征了...

第一場，對手係潭深龍、漁灣之友及同意，對我們來說，這是一次檢驗的機會，究竟我地努力過後，可以換番幾多成果呢.....

一起步，有少少唔順，橈步唔係太齊，但係好快修正，係第一支旗時，已經成功搶左出嚟，一路到尾，第一，成功了........

第二場，對手有同慶龍、蒲台之友及東方龍...面對強隊同慶，老實講，只有興奮，沒有壓力，一起步，我地就緊緊咁咬住同慶，直至最後衝線...雖然都係輸了....不過可以睇到我地既進步

第三場，對手係生力龍、南丫島合心、獅藝軒，順利勝出。

第四場，對手南鷹、新興祥、頂得住，全部都係今日發揮極佳的強隊...四隻一齊衝線，有啲線路關係，我地包尾..不過真係好刺激...

最後得分計出...我地可以進入天后盃...達到了第一個目標啦...不過說來笑死人...原來最後一場輸左都可以入金盃...我地仲摶哂命，不過都好...為大家帶來一場精彩既比賽..

進入天后盃既，就係第四場加埋同慶..我地抽籤結排二線....係南鷹同同慶中間...

一起步，我地明顯落後於南鷹和同慶，但係後勁不壞，衝線了..同慶第一，我地同南鷹照相後得第三，可以同南鷹影相，收哂貨啦...我地亦憑第三進入龍王盃...超標了..

龍王盃時，我地又抽了奪命第五線....又包尾...但係要讚讚華哥....係佢努力換番嚟架...好野...

此板初建，在此說說本留言板的規劃和使用方法，希望大家發言時，不會找錯地方

1. 此留言板是為所有關心長征龍的朋友而設的，每論你是否長征龍會員，我們都非常開心看見你的留言， 無論是批評、建議甚或無聊吹水，都冇所謂

2. 在此板主頁中，會列出各項賽事或特別通告，各位如對各賽事或通告內容，有甚感言，都可在各段內容的右下角，進入留言，留下你的說話

3. 如各位有甚麼說話，是無關主頁各內容的，可以到留言薄中，暢所欲言

由聯漁主辦的比賽 -- 南區小龍賽，一向極受各區隊伍的支持，雖然已近中秋，但仍然雲集了各路勁旅，激烈程度，絕不下於端午節..

再加上此項賽事接受 站立式扒法，對不擅站式扒法的我們來說，更具挑戰性。

天文台預測當日有陽光，有煙霞及局部地區有驟雨。溫度26-31度，吹輕微的東北風(淺水灣向西南，影響應較細)，上午水漲，至12點到最高位。

天氣不壞，各位隊友要加油!!

話咁快就一年，今年我地最後一場賽事都結束了，大家滿意今年ge成績嗎？記得觀勝講過，好多龍舟隊扒咁多年都未攞過野..我地都叫有幾隻杯你..算係咁啦..唔滿意都唔緊要..加操加操...下年一定要攞冠軍...

講番今次賽事，氣氛都幾熱鬧，賽事水準果然好高..正!

第一場比賽係工商組初賽，我地第一次起身扒...老實講...我自己好緊張...好怕又累各位失手...還幸操練冇白費..輕鬆攞左個第一..

第二場賽事係公開組初賽..就緊湊的多啦...整體實力較第一場強..一起步..已經好大浪..但各位扒得好好...完全冇落後比海虎仔...但係不幸的事發生了..一個送尾浪將其他隊送前去...將我地就差啲送左去隔離線...還好華哥力挽狂欄..係過線前一刻救回..其後隊員急起直追...差一點點兒就追番個第三...可惜呀.....

第三場係工商組金盃複賽.....其他5隊都好強..真係要加把勁..呢場老實講...發揮得比頭兩場都好...但係起身始終唔係我地強項...奮戰到最後都只能得個哽頸4...出唔到線...

第四場係公開銀杯複賽....我地唔起身啦...果然...唔起ge我地...戰力起碼升一級..基本上係由頭帶到尾咁輕鬆第一....

最後一場了...公開銀杯決賽....係起步過後...已經見到係第2、3線之爭..係中段ge時...飛龍帶了出嚟...係最後一百....我地狂追..差少少..........亞軍..

不過大家應該高興...我地又進步了.... 尾段爆得起呢....

2000米，真係一個唔講得少的距離..

無論係練習、比賽，都非常磨練鬥志、毅力。

儘管在比賽中，種種的不如意事，影響了最終成績...

但大家的實力，冇人會睇唔到..

講番比賽，由於是第一次舉辦，賽制有所不足是意料中事，但不能否認，這樣的比賽仍有一番趣味在其中..

第一場比賽，我們安排在第三線，前面是龍協和捷龍..後面是由美叔掌舵的輔警...一開賽發揮唔錯，第一條直路已追上前面的捷龍...但由於鼓手控制力不足...結果錯誤地選擇了彎位過船...雖然成功過頭...但浪費了不少時間...就算在其後急起追下...也只能保持第三...落後第一名12秒多..

第二場我地排在最後...前面係消防及捷龍...形勢上只要我地能夠追到消防...冠軍仍然有望...隊員們都鬥志十足...

起步比第一場更出色...係第一條直路時...已追及消防的三百米內...不過消防的確有實力..係我地未追至他們的艇尾時...已追過前面的捷龍...

我地要再加把勁...係第二條直路時..已追過早我地一分鐘起步的捷龍..不過不幸的事發生..

在過彎時...我地與捷龍隻撞在一起...撞擊甚至將我們推離了航線...隊員們間都不知所措....

此時經驗豐富的觀勝一聲大叫..「退後」，彷彿將所有人的靈魂召回...每個人都努力修正龍船..當龍從回正軌的一刻..每一個人都好似上了身咁...突然爆發出嚟..

五百米...整條龍就係咁爆左五百米...每個人都逹到了忘我...那一刻的氣勢..真的今我畢生難忘...

點呀，攞獎了..

大家係唔係仲係好興奮呢??

長征、長征..

呢次我地真係要長征了..

去到西貢呀..

保守估計都要撘6點...

唔知會唔會有人唔知醒呢

在端午過後，我們的練習不單沒有鬆懈，反而加強了。

在經過比賽的洗禮，艱苦的鍛鍊後，大家有否覺得進步了？

又到我們展示自己的時候了...

大家早點睡，養足精神....

用事實告訴支持我們的朋友...我們又進步了...

用十足的表現...話比阿福知....佢冇白教我們...

我地本來幫領航者比賽...但因為安排上的誤會...

結果我地去幫合意龍扒...

從聯漁龍的身上....從撓法... 賽前的準備....用力...鼓聲.....等等...

學到太多太多.....嘩...

好辛苦的比賽...好令人興奮的比賽...

每一場都印象深刻.

第一場小龍對永好...僅以影相落敗...

第二場中龍...雖然抽到壞簽...那條該死的二號龍...但大家盡力去扒..仍僅以一條鬚落敗..

連敗兩仗...真係有點不甘...第三場小龍大家都集中精神....終於以全場初賽最快成績...進身複賽...yeah...

跟住去扒了一條大龍...好辛苦....

小龍對拾朗...好想嬴...力不從心....

中龍對永好...又係二號龍....又係差少少...

中龍再對永好....輸自己....冇野講...